அடாது மழை விடாது பெய்வதால் ஆஸ்திரேலியா, வங்கதேசம் நடுவேயான போட்டி தொடங்குவதில் தாமதம் ஏற்பட்டு வருகிறது. குரூப் ஏ பிரிவில் இடம்பெற்றுள்ள ஆஸ்திரேலியா தனது முதல் லீக் ஆட்டத்தில் 111 ரன்கள் வித்தியாசத்தில் இங்கிலாந்தை வீழ்த்தியது. வங்கதேசம் தனது முதல் போட்டியில், 105 ரன்கள் வித்தியாசத்தில் ஆப்கானிஸ்தானை வீழ்த்தியது.
வங்கதேசம் கடந்த 6 போட்டிகளில் ஒன்றில் கூட தோற்கவில்லை. ஆப்கானிஸ்தானை வீழ்த்திய விதத்தை பார்த்தாலும், வங்கதேசம் எழுச்சி பெற்றுள்ளதாகவே தெரிகிறது. ஆனால் இதற்கு முன்பு ஆஸ்திரேலியாவுக்கு எதிராக வங்கதேசம் விளையாடிய 19 ஒருநாள் போட்டிகளில் 2005ம் ஆண்டு நடைபெற்ற ஒரு போட்டியை தவிர மற்ற அனைத்து போட்டிகளிலுமே ஆஸ்திரேலியாதான் வெற்றி பெற்றுள்ளது. இதில் 1999 மற்றும் 2007 உலக கோப்பை போட்டிகளும் அடங்கும். எனவே இவ்விரு நாடுகளை ஒப்பிட்டால் ஆஸ்திரேலியா கைகளே ஓங்கியிருப்பது நன்கு தெரிகிறது.
இந்நிலையில் இவ்விரு அணிகளும் இந்திய நேரப்படி இன்று காலை 9 மணிக்கு பிரிஸ்பேனில் தொடங்கும் ஆட்டத்தில் மோதுவதாக இருந்தது. ஆனால் புயல் மழை காரணமாக காலை 10 மணியாகியும் போட்டிக்கான டாஸ் கூட போடப்படவில்லை. மழை தொடருவதால் ஆட்டம் கைவிடப்பட வாய்ப்பு அதிகம்.
0 comments:
Post a Comment
Click to see the code!
To insert emoticon you must added at least one space before the code.