கடந்த 2011 உலக கோப்பையில் இந்தியா வெற்றி பெற்று சாம்பியன் பட்டத்தை வென்றது. அப்போது இந்தியா தனது முதல் ஆட்டத்தில் வங்கதேசத்தை எதிர்கொண்டது. அந்த போட்டியில் கோஹ்லி 100 ரன்கள் எடுத்து நாட்-அவுட்டாக களத்தில் நின்றார்.
இதன்பிறகு இந்தியா அதிரடி ஆட்டத்தை வெளிப்படுத்தி இறுதி போட்டியில் இலங்கையையும் வீழ்த்தி வெற்றிவாகை சூடி சாம்பியன் ஆனது. எனவே கைராசிக்காரர் என்று புகழப்பட்டார் கோஹ்லி.
நடப்பு உலக கோப்பை தொடரின் முதல் போட்டி கடந்த ஞாயிற்றுக்கிழமை அடிலெய்டில் நடந்தது. அந்த போட்டியில் 107 ரன்களை விளாசினார் கோஹ்லி. இப்போட்டியில் இந்தியா 76 ரன்கள் வித்தியாசத்தில் வெற்றி பெற்றது.
கோஹ்லியின் கைராசி இம்முறையும் இந்தியாவுக்கு பலனளித்தால், கோப்பையை தூக்குவது உறுதி என்று நினைக்கின்றனர் இந்திய அணி வீரர்கள்.
கோஹ்லி குறுகியகாலத்திலேயே ஒருநாள் போட்டிகளில் மொத்தம் 22 சதங்கள் விளாசியுள்ளார். இதன் மூலம் அதிக சதங்கள் அடித்தவர்கள் பட்டியலில் கங்குலியுடன் 4வது இடத்தை பகிர்ந்து கொண்டுள்ளார்.
சச்சின் 49 சதங்களுடன் முதல் இடத்திலும், ரிக்கி பாண்டிங் 30 சதங்களுடன் 2வது இடத்திலும், சனத் ஜெயசூர்யா 28 சதங்களுடன் மூன்றாவது இடத்திலும் உள்ளனர்.
கோஹ்லி இலங்கைக்கு எதிராக 6 சதங்களும், மேற்கிந்திய தீவுகள், ஆஸ்திரேலியா, வங்கதேச அணிகளுக்கு எதிராக தலா 3 சதங்களும், பாகிஸ்தான், இங்கிலாந்து, நியூசிலாந்து அணிகளுக்கு எதிராக தலா 2 சதங்களும் விளாசியுள்ளார். ஜிம்பாப்வேக்கு எதிராக 1 சதம் அடித்துள்ளார்.
தென் ஆப்பிரிக்காவுக்கு எதிரான 13 போட்டிகளில் 11 பந்தையங்களில் களமிறங்க வாய்ப்பு கிடைக்கப்பெற்ற கோஹ்லி, சதம் அடித்தது கிடையாது. அவரது அதிகபட்ச ரன் 87 ஆகும். 11 இன்னிங்சுகளிலும் சேர்த்து மொத்தம் 344 ரன்கள் எடுத்துள்ள கோஹ்லியின் பேட்டிங் சராசரி 34.40 ஆகும். அதில் 3 அரை சதங்களும் அடங்கும்.
எனவே வரும் ஞாயிற்றுக்கிழமை போட்டியில் தென் ஆப்பிரிக்காவுக்கு எதிராக சதம் அடித்து தனது செஞ்சுரி தாகத்தை தீர்த்துக்கொள்வார் கோஹ்லி என்று ரசிகர்கள் எதிர்பார்க்கின்றனர்.
0 comments:
Post a Comment