சிம்புவின் 'இது நம்ம ஆளு' படத்தில் ஜெய், விஷ்ணுவின் 'இன்று நேற்று நாளை' படத்தில் ஆர்யா ஆகியோர் சிறப்பு தோற்றங்களில் நடிக்கவுள்ள செய்தியை ஏற்கனவே பார்த்தோம். தற்போது ஆர்யா படத்தில் விஷால் சிறப்பு தோற்றத்தில் நடிக்கவுள்ளதாக செய்திகள் வெளிவந்துள்ளது.
எம்.ராஜேஷின் முந்தைய படங்களான சிவா மனசுல சக்தி, பாஸ் என்கிற பாஸ்கிரன், மற்றும் ஒரு கல் ஒரு கண்ணாடி ஆகிய படங்களில் ஆர்யா மற்றும் ஜீவா கிளைமாக்ஸில் சிறப்பு தோற்றங்களில் நடித்துள்ள நிலையில் தற்போது அவர் இயக்கி வரும் 'வாசுவும் சரவணனும் ஒண்ணா படிச்சவங்க' படத்தின் கிளைமாக்ஸில் விஷால் சிறப்பு தோற்றத்தில் நடிக்கவிருப்பதாக கூறப்படுகிறது. ஆர்யா-தமன்னா இடையே ஏற்படும் ஒரு பிரச்சனையில் விஷால் புகுந்து அந்த பிரச்சனையை தீர்த்து வைப்பதாக அவரது காட்சி அமைக்கப்பட்டுள்ளதாக தெரிகிறது. ஆர்யா, தமன்னா முதல்முறையாக ஜோடி சேர்ந்து நடித்து இந்த படத்தில் வழக்கம் போல் சந்தானம் மிக முக்கிய வேடத்தில் கலக்கியுள்ளார் என்பது குறிப்பிடத்தக்கது.
தற்போது உருவாகி வரும் VSOP திரைப்படம் ஆர்யாவின் சொந்த தயாரிப்பில் உருவாகி வருவதால் அவருடைய நெருங்கிய நண்பரான விஷால் இந்த படத்தில் நடிப்பதில் எவ்வித ஆச்சரியமும் இல்லை என கூறப்படுகிறது. தற்போது ஒரு பிரபல ஹீரோ நடிக்கும் படத்தில் இன்னொரு ஹீரோ சிறப்பு தோற்றத்தில் நடிக்கும் கலாச்சாரம் கோலிவுட்டில் பெருகி வருகிறது. இது இளையதலைமுறை நடிகர்களிடையே ஒரு ஆரோக்கியமான நட்பு ஏற்பட வழிவகுக்கும் என கருதப்படுகிறது.
0 comments:
Post a Comment