வெற்றி பெற்ற ஜோடிகள் தொடர்ந்து நடிப்பது கோலிவுட் பாணி. இந்த டிரெண்ட் மாஸ்டர் நடிகர்களுக்கும் பொருந்தி உள்ளது. ‘பசங்க' படத்தில் நடித்த சிறுவர்கள் ஸ்ரீராம், கிஷோர், பாண்டி, குட்டி மணி ஆகியோர் அடுத்து ‘கோலிசோடா‘ படத்தில் சேர்ந்து நடித்தனர். மீண்டும் ‘வஜ்ரம்‘ படத்திலும் இந்த சிறுவர்கள் இணைகின்றனர். இதுபற்றி இயக்குனர் எஸ்.டி.ரமேஷ் செல்வன் கூறியது:ஆதரவற்ற 4 சிறுவர்கள், ஒரு சிறுமியை தத்தெடுத்து தான் நடத்தும் பள்ளியில் சேர்த்து படிக்க வைக்கிறார் ஒருவர். அந்த இடத்தை சிலர் வலுக்கட்டாயமாக பறிக்கின்றனர்.
ஒரு பிரச்னையால் மாணவர்கள் சீர்திருத்த பள்ளியில் சேர்க்கப்படுகின்றனர். அங்கிருந்து தப்பி வரும் அவர்கள் தாங்கள் படித்த பள்ளிக்கூடத்தை எப்படி மீட்கிறார்கள் என்பதுதான் கதை. பசங்க படத்தில் இணைந்த சிறுவர்கள் கூட்டணி இதிலும் தொடர்கிறது. ஹீரோயின் புதுமுகம் பவானி ரெட்டி. தம்பிராமையா, மயில்சாமி, ரமேஷ் உள்ளிட்ட பலர் நடிக்கின்றனர். ஏ.ஆர்.குமரேசன் ஒளிப்பதிவு. எப்.எஸ்.பைசல் இசை. பி.ராமு தயாரிக்கிறார். அச்சன்கோவில், மூணாறு, சாலக்குடி, அசாம் போன்ற இடங்களில் படப்பிடிப்பு நடந்துள்ளது.\
0 comments:
Post a Comment