கயல் படத்தை தொடர்ந்து பிரபு சாலமன் இயக்கும் புதிய படத்தில் தனுஷ் நடிக்கவிருப்பதாக தகவல் வெளியாகியுள்ளது.
தனுஷ் தற்போது பாலாஜி மோகன் இயக்கும் ‘மாரி’ படத்தில் நடித்து வருகிறார். இப்படத்தில் தனுஷ் ஜோடியாக காஜல் அகர்வால் நடிக்கிறார். படப்பிடிப்பு முடியும் தருவாயில் உள்ளது. இப்படத்திற்கு பிறகு வெற்றிமாறன் இயக்கத்தில் ‘சூதாடி’ என்ற படத்திலும், வேல்ராஜ் இயக்கத்தில் ஒரு படத்தில் நடிக்கவும் ஒப்பந்தமாகியிருக்கிறார் தனுஷ்.
இந்நிலையில் அவர், பிரபு சாலமன் இயக்கும் புதிய படத்திலும் நடிக்கவிருப்பதாக தகவல் வெளியாகியுள்ளது. டி.இமான் இதற்கு இசையமைக்கிறார். ஹீரோயின், மற்ற தொழில்நுட்ப கலைஞர்கள் குறித்த தகவல்கள் இன்னும் முடிவாகவில்லை.
‘மாரி’ படம் முடிந்ததும் தனுஷ், பிரபு சாலமன் இயக்கும் படத்தில் நடிப்பாரா அல்லது மற்ற இயக்குனர்களது படங்களில் நடிப்பாரா என்பது குறித்து எந்த அதிகாரப்பூர்வ தகவல்களும் இல்லை. இதனிடையே தனுஷின் ‘ஷமிதாப்’ மற்றும் ‘அனேகன்’ ஆகிய படங்கள் அடுத்தடுத்து ரிலீஸாக உள்ளன என்பது குறிப்பிடத்தக்கது.
0 comments:
Post a Comment
Click to see the code!
To insert emoticon you must added at least one space before the code.