அதிமுக பொதுச் செயலாளர் ஜெயலலிதாவுக்கு கர்நாடக உயர்நீதிமன்றம் இன்று நிபந்தனை ஜாமீன் அளித்து உத்தரவிட்டதைத் தொடர்ந்து அதிமுகவினர் கொண்டாட்டங்களில் குதித்துள்ளனர். சென்னை முதல் செங்கோட்டை வரை பட்டாசுகள் வெடித்தும், இனிப்புகளை வழங்கியும் கொண்டாட்டங்களில் குதித்துள்ளனர்.
ஏற்கனவே வாங்கி வைத்திருந்த பட்டாசுகளை வெடித்தும், இனிப்புகளை வழங்கியும் கொண்டாட்டத்தை தொடங்கியுள்ளனர். சென்னை ராயப்பேட்டையில் உள்ள அதிமுக தலைமைக் கழக அலுவகம் முன்பு சரமாரியாக சரவெடிகள் கொளுத்தப்பட்டதால் அந்தப் பகுதியே கலங்கிப் போனது. அதேபோல தமிழகத்தின் பிற பகுதிகளிலும் அதிமுகவினர் கொண்டாட்டங்களை தீவிரப்படுத்தியுள்ளதாக தகவல்கள் தெரிவிக்கின்றன. கடந்த 11 நாட்களாக தமிழகம் முழுவதும் சோகப் போராட்டம் நடத்தி வந்த அதிமுகவினர் இன்று சந்தோஷக் கொண்டாட்டத்தில் ஈடுபட்டிருப்பதால்.. அப்பாடா, இனிமேலாவது நம்ம பொழப்பக் கெடுக்காம இருப்பாங்கப்பா என்று மக்களும் நிம்மதிப் பெருமூச்சு விட்டுள்ளனர்.
0 comments:
Post a Comment