மாஸ் படத்தின் இசையமைப்பாளர் யுவன் சங்கர் ராஜாதான். அதில் மாற்றம் இல்லை என்று இயக்குநர் வெங்கட் பிரபு தெரிவித்துள்ளார்.
வெங்கட் பிரபுவின் தம்பியும் அவரது ஆஸ்தான இசையமைப்பாளருமான யுவன் சங்கர் ராஜா பற்றித்தான் கடந்த இரு தினங்களாக செய்திகள்.
இப்போது அவர் சூர்யா நடிக்கும் மாஸ் படத்துக்கு இசையமைத்து வருகிறார். இந்தப் படத்தை வெங்கட்பிரபு இயக்குகிறார்.
திடீரென இந்தப் படத்தின் இசையமைப்பாளர் பொறுப்பிலிருந்து யுவன் நீக்கப்பட்டதாக செய்திகள் வெளியாகின.
அவருக்குப் பதில் தமனை இசையமைக்குமாறு சூர்யா கூறிவிட்டார் என்றும், அவர் இசையில் ஒரு பாடல் உருவாக்கப்பட்டு, படப்பிடிப்பும் நடக்கிறது என்று கூறப்பட்டது.
இன்னொரு பக்கம், யுவன் சம்மதத்தோடுதான் தமன் இசையில் ஒரு பாடல் இந்தப் படத்தில் பயன்படுத்தப்பட்டதாக சிலர் புது விளக்கம் கூறினர்.
இந்த நிலையில் இந்த குழப்பத்துக்கெல்லாம் முற்றுப் புள்ளி வைக்கும் வகையில் வெங்கட் பிரபு ட்விட்டரில் ஒரு விளக்கம் வெளியிட்டுள்ளார்.
அதில் யுவன்தான் எங்க மாஸ் இசையமைப்பாளர், அதில் மாற்றமில்லை என்று தெரிவித்துள்ளார்.
எப்படியோ.. குழப்பம் தீர்ந்தால் சரி!
0 comments:
Post a Comment