நான், சலீம் படங்களில் நடித்துள்ள இசையமைப்பாளர் விஜய் ஆண்டனி, இந்தியா பாகிஸ்தான் படத்தை ஏற்கனவே முடித்து விட்டார். டிசம்பர் மாதமே வெளியாக வேண்டிய அப்படம் தியேட்டர் பிரச்னை காரணமாக இன்னும் வெளிவராமல் உள்ளது. இருப்பினும் ஏப்ரலில் கண்டிப்பாக வெளிவருகிறதாம். அதையடுத்து, சசி இயக்கத்தில் பிச்சைக்காரன் படத்தில் நடித்து வருகிறார் விஜய் ஆண்டனி. முதல்கட்ட படப்பிடிப்பு முடிந்து இரண்டாம்கட்ட படப்பிடிப்பு கடந்த ஒரு வாரமாக பாண்டிச்சேரியில் நடந்து கொண்டிருக்கிறது.
இதற்கிடையே சைத்தான் படத்திலும் சில நாட்கள் நடித்துள்ளாராம் விஜய் ஆண்டனி. தற்போது பிச்சைக்காரன் படப்பிடிப்பு இறுதிகட்டத்தை எட்டியுள்ளதால், ஏப்ரல் மாதத்தில் இருந்து சைத்தான் படப்பிடிப்பு முழுவீச்சில் நடைபெற உள்ளதாம். மேலும், அந்த படத்தில் நடித்துக்கொண்டிருக்கும்போதே ஹிட்லர் என்ற படத்திலும் நடிக்க திட்டமிட்டுள்ளார் விஜய் ஆண்டனி. அதன்பிறகு திருடன் படம் தொடங்கப்படுமாம். ஆக இந்த ஒரே வருடத்தில் இந்தியா பாகிஸ்தான், பிச்சைக்காரன், சைத்தான், ஹிட்லர், திருடன் என ஐந்து படங்கள் விஜய் ஆண்டனி நடிப்பில் வெளியாகும் என்று தெரிகிறது.
0 comments:
Post a Comment