அஜீத், அனுஷ்கா, த்ரிஷா ஆகியோர் நடிப்பில் உருவாகி வரும் "அஜீத் 55" திரைப்படத்தின் இறுதிக்கட்ட காட்சிகளின் படப்பிடிப்பு தற்போது நடைபெற்று வருகிறது. இந்த படத்தின் க்ளைமாக்ஸ் காட்சியில் அஜீத் புதுவிதமான கெட்டப் ஒன்றில் வருகிறார். இந்த கெட்டப்பை கவுதம் மேனன் மிக ரகசியமாக வைத்திருந்தார். ஆனால் நேற்று இந்த கெட்டப் நேற்று பல ஊடகங்களில் வெளிவந்துவிட்டது. இந்த ரகசியம் வெளிவந்ததற்கு காரணம் அஜீத் தான் என யாரோ கவுதம் மேனனிடம் கிளப்பிவிட இதனால் அஜீத்துக்கும் கவுதம் மேனனுக்கு பலத்த வாக்குவாதம் நடந்ததாக படக்குழுவினர் தெரிவித்துள்ளனர்.
அஜீத்தின் மூன்றாவது கெட்டப் ரகசியம் எப்படி கசிந்தது என்பது உறுதியாக யாருக்கும் தெரியவில்லை என்றாலும் கவுதம் மேனன் அவசரப்பட்டு அஜீத் மீது சந்தேகம் கொண்டதால் அஜீத், இயக்குனர் மேல் செம கடுப்பில் இருக்கின்றாராம். இந்த படத்தின் இரண்டாவது பாகத்தில் நடிப்பதாக வாக்கு கொடுத்திருந்த அஜீத், அந்த வாக்குறுதியை இனி காப்பாற்றுவாரா என்பது சந்தேகம் என கூறப்படுகிறது.
அஜீத் மற்றும் கவுதம்மேனன் இடையே நடந்த மனக்கசப்பு படக்குழுவில் இருந்த ஒருவரின் மூலம் முக்கிய ஊடகத்திற்கு பரவிவிட்டதாகவும், ஆனால் அந்த ஊடகத்திடம் படக்குழுவினர் பேசி இந்த செய்தியை வெளியிட வேண்டாம் என்று கேட்டுக்கொண்டதாகவும் கூறப்படுகிறது. ஆனால் அதற்குள் இந்த தகவல் சமூக வலைத்தளத்தில் பரவி தற்போது தீயாக எரிந்து கொண்டிருக்கின்றது.
இதுகுறித்து படக்குழுவினர் எந்தவித கருத்தும் கூறவில்லை. இதுவொரு கற்பனையான செய்தி என்றும் இப்படி ஒரு சம்பவமே நடக்கவில்லை என்றும் கவுதம் மேனன் தரப்பு பத்திரிகையாளர்களிடம் கூறிவருகின்றனர்.
0 comments:
Post a Comment
Click to see the code!
To insert emoticon you must added at least one space before the code.