தமிழ்த் திரையுலகில் தற்போது யார் நம்பர் 1 நடிகையாக இருக்கிறார்கள் என்பது பற்றிய பேச்சு கடந்த சில காலமாக இல்லாமல் போய்விட்டது. கொஞ்சம் சீனியர் நடிகைகளுக்கும், ஜுனியர் நடிகைகளுக்கும் பலத்த போட்டி ஏற்பட்டுள்ளது. கடந்த ஆண்டில் ஹன்சிகா, லட்சுமி மேனன், பிரியா ஆனந்த், நந்திதா, நயன்தாரா ஆகியோர் நடித்த படங்கள்தான் அதிகமாக வெளிவந்தன. இந்த ஆண்டில் நயன்தாராவும், ஹன்சிகாவும்தான் இதுவரை முன்னணியில் உள்ளனர். லட்சுமி மேனன் படிக்கப் போய்விட்டார். பிரியா ஆனந்த்திற்கு கை வசம் தற்போது அதிகமான படங்கள் இல்லை.கொஞ்ச நாள் காணாமல் போயிருந்த அஞ்சலி தற்போது அப்பா டக்கர், மாப்பிள்ளை சிங்கம் படங்களின் மூலம் களத்தில் குதித்தள்ளார்.
எவர்கிரீன் சிலிம் நாயகி த்ரிஷாவும் தற்போது இரண்டு படங்களில் நடித்து வருகிறார். ஆன்ட்ரியா கைவசமும் அதிக படங்கள் உள்ளன. நிலைமை இப்படியிருக்க சம்பளம் வாங்குவதில் யார் முன்னணியில் இருக்கிறார்கள் என்று விசாரித்தால் அதில் நயன்தாராதான் முதலிடம் பிடித்துள்ளார். தற்போது நடித்து வரும் மாயா, நண்பேன்டா, இது நம்ம ஆளு, தனியொருவன், மாஸ், நானும் ரெடிதான்” ஆகிய படங்களின் மூலமே நயன்தாரா சுமார் 16 கோடி ரூபாய் வரை சம்பாதித்துள்ளார் என்கிறார்கள். அதிக பட்சமாக நானும் ரௌடிதான் படத்திற்காக 3 கோடி ரூபாய் வரை சம்பளம் வாங்கியுள்ளார் என கோலிவுட் வட்டாரங்கள் தெரிவிக்கின்றன. இன்னமும் அவரைத் தேடி புதுப்பட வாய்ப்புகள் வந்து கொண்டேயிருக்கின்றனவாம். தெலுங்கிலும் அழைத்துக் கொண்டேயிருக்கிறார்களாம்.
இந்த ஆண்டில் முன்னணி ஹீரோக்கள் அளவிற்கு நயன்தாரா அதிகம் சம்பளம் வாங்குவதோடு மட்டுமல்லாமல் நடிப்பிலும் நம்பர் 1 இடத்தைப் பிடிப்பார் என்கிறார்கள்.
0 comments:
Post a Comment