தமிழ் சினிமாவின் அதிர்ஷ்டலட்சுமியாகத் திகழும் லட்சுமி மேனன் ஒரு பக்கம் படிப்பில் கவனம் செலுத்திக் கொண்டே, சத்தமில்லாமல் ஒரு நல்ல காரியத்தில் இறங்கியிருக்கிறார். அது... வீட்டில், தெருவில், கடை வாசலில், பொதுவெளியில் என பேதமின்றி பீடி, சிகரெட், சுருட்டு என புகைத்துத் தள்ளுவோருக்கு எதிரான பிரச்சாரம்தான்.
'நீங்க நிறுத்தினா... நானும் நிறுத்துவேன்' என்ற வாசகத்துடன் இந்த பிரச்சாரத்தைத் தொடங்கியுள்ளார் லட்சுமி. அப்படின்னா.. புகைப்பிடிப்பவர்கள் அந்தப் பழக்கத்தை நிறுத்தினால், லட்சுமி மேனன் தன்னிடமுள்ள கெட்ட பழக்கம் எதையாவது விட்டுவிடுவாராம்.
லட்சுமி மேனன் சொல்வதைப் போலவே, ஒவ்வொருவரும் தங்களின் அன்புக்குரியவர்களிடம், 'எனக்காக புகைப்பழக்கத்தை விடுங்கள்.. உங்களுக்காக எனது கெட்ட பழக்கம் எதையாவது கைவிடுகிறேன்,' என்று சொல்ல வேண்டும். இந்தப் பிரச்சாரத்தின் மூலம் ஒவ்வொருவரும் தங்கள் அன்புக்குரிய அப்பா, சகோதரன், கணவன், காதலனின் புகைப்பழக்கத்தை அடியோடு ஒழிக்க முடியும். இது உண்மையிலேயே ஒரு நல்ல பிரச்சாரம் என்று கூறியுள்ளார் லட்சுமி மேனன். பத்து சதவீதம் பலன் தந்தால் கூட இது நல்ல பிரச்சாரம்தான்!
0 comments:
Post a Comment
Click to see the code!
To insert emoticon you must added at least one space before the code.