சிவா மனசுல சக்தி, பாஸ் என்கிற பாஸ்கரன், ஒரு கல் ஒரு கண்ணாடி போன்ற வெற்றி படங்களை இயக்கிய இயக்குனர் எம்.ராஜேஷ் தற்போது ஆர்யா நாயகனாக நடிக்கும் 'வாசுவும் சிவாவும் ஒண்ணா படிச்சவங்க" என்ற படத்தை இயக்கி வருகிறார். இந்த படத்தில் ஆர்யா, சந்தானம், தமன்னா உள்பட பலர் நடித்து வருகின்றனர். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில், எம்.ராஜேஷ் மற்றொரு திரைபடத்தை இயக்க ஒப்பந்தம் செய்யப்பட்டுள்ளதாக செய்திகள் வெளிவந்துள்ளன.
இந்த புதிய திரைப்படத்தில் எம்.ராஜேஷுடன் ஜீவா மீண்டும் இணையவுள்ளார் என்பது குறிப்பிடத்தக்கது. ஏற்கனவே இந்த ஜோடி சிவா மனசுல சக்தி' என்ற ஹிட் படத்தை கொடுத்துள்ளனர் என்பது குறிப்பிடத்தக்கது.
ஜீவா தற்போது யாமிருக்க பயமே' இயக்குனர் டிகேயின் இயக்கத்தில் 'கவலை வேண்டாம்' என்ற படத்தில் நடிக்க ஒப்பந்தமாகியுள்ளார். இந்த படத்தில் ஜீவாவுடன் பாபிசிம்ஹாவும் முக்கிய வேடத்தில் நடிக்கவுள்ளார். ஏப்ரல் மாதம் இந்த படத்தின் படப்பிடிப்பு தொடங்கவுள்ள நிலையில், எம்.ராஜேஷ் இயக்கும் படத்திலும் நடிக்கவுள்ளார் என்பது குறிப்பிடத்தக்கது. எம்.ராஜேஷ்-ஜீவா இணையும் படத்தின் படப்பிடிப்பு ஜூன் மாதம் முதல் தொடங்கும் என எதிர்பார்க்கப்படுகிறது.
0 comments:
Post a Comment