சூது கவ்வும் இயக்குனர் நலன் குமாரசாமி இயக்கவுள்ள இரண்டாவது படத்திலும் விஜய் சேதுபதிதான் ஹீரோ என்று முடிவாகியுள்ள நிலையில் அவருக்கு ஜோடியாக நடிக்க மலையாள நடிகை ஒருவரை இயக்குனர் தற்போது தேர்வு செய்துள்ளார்.
ரொமாண்டிக் மற்றும் காமெடி திரைப்படமாக உருவாகவுள்ள இந்த படத்தில் விஜய் சேதுபதிக்கு ஜோடியாக நடிக்க மடோனா செபாஸ்டியன் என்ற நடிகை ஒப்பந்தம் செய்யப்பட்டுள்ளார். இவர் ஏற்கனவே பிரேமம் என்ற மலையாள திரைப்படத்தில் நடித்து வருகிறார். மேலும் இவர் ஒரு நல்ல பாடகியும் என்பது குறிப்பிடத்தக்கது. சமீபத்தில் வெளியான மலையாள திரைப்படமான 'யூ டூ புரூட்டோஸ்' என்ற படத்தில் ஒரு பாடலை பாடியுள்ளார்.
மடோனா குறித்து நலன்குமாரசாமி கூறியபோது, "ஸ்க்ரீனில் அப்பாவியாக தெரியக்கூடிய முகம் ஒன்று எனக்கு இந்த படத்தில் தேவைப்பட்டது. மடோனா இந்த கேரக்டருக்கு பொருத்தமாக இருப்பார் என நான் கருதியதால் அவரை நாயகியாக ஒப்பந்தம் செய்தே. இந்த படத்தில் ஐ.டியில் பணிபுரியும் சிட்டி கேர்ள் கேரக்டரில் மடோனா நடிக்கவுள்ளார். விஜய் சேதுபதி இந்த படத்தில் சென்னை கவுன்சிலர் ஒருவரின் உதவியாளராக நடிக்கின்றார். முழுக்க முழுக்க நகைச்சுவைக்கு முக்கியத்துவம் கொடுக்கபட்டுள்ள இந்த படத்தில் ஆழமான ரொமான்ஸ் காட்சிகளும் உண்டு' என்று கூறியுள்ளார்.
சந்தோஷ் நாராயணன் இசையமைக்கும் இந்த படத்திற்கு தினேஷ் கிருஷ்ணன் ஒளிப்பதிவு செய்யவுள்ளார்.
0 comments:
Post a Comment
Click to see the code!
To insert emoticon you must added at least one space before the code.