ராகவா லாரன்ஸ் இயக்கி நடித்த 'காஞ்சனா 2' நேற்று உலகம் முழுவதும் ரிலீஸாகி ரசிகர்களிடமும் ஊடகங்களில் இருந்தும் பாசிட்டிவ் ரிசல்ட்டை பெற்றுள்ளது. இதனால் ராகவா லாரன்ஸ் உள்பட படக்குழுவினர் அனைவரும் பெரும் மகிழ்ச்சியில் உள்ளனர்.
தமிழகம் முழுவதும் பெருவாரியான தியேட்டர்களில் ரிலீஸான இந்த படத்தின் வசூல் முதல் நாளே திருப்திகரமாக உள்ளது என்றும், சனி மற்றும் ஞாயிறு கிழமைகளில் குடும்பத்துடன் ரசிகர்கள் இந்த படத்திற்கு வரும் வாய்ப்புகள் அதிகம் என்பதால் முதல் மூன்று நாட்களில் இந்த படம் ஒரு பெரும் தொகையை வசூலிக்கும் என்றும் கூறப்படுகிறது.
இந்நிலையில் முனி, முனி 2 காஞ்சனா, காஞ்சனா 2 படங்களை அடுத்து காஞ்சனா 3 என்ற படத்தையும் தயாரிக்கும் திட்டம் ராகவா லாரன்ஸிடம் உள்ளதாக தெரிகிறது. ஹாலிவுட்டில் மட்டும்தான் மூன்றுக்கும் மேற்பட்ட பாகங்கள் வெளிவரும் வழக்கம் உள்ளது. காஞ்சனா 3 படத்தை ராகவா லாரன்ஸ் இயக்குவது உறுதி செய்யப்பட்டால் இந்திய திரையுலகில் முதன்முதலாக வெளிவரும் நான்காவது பாக திரைப்படம் என்ற பெருமையை பெறும் வாய்ப்பு அந்த படத்திற்கு உள்ளது.
காஞ்சனா 2 திரைப்படத்தின் கிளைமாக்ஸில் அடுத்த பாகம் உருவாகும் வகையில்தான் படத்தை ராகவா லாரன்ஸ் முடித்துள்ளார் என்பதும் இங்கே குறிப்பிடத்தக்கது.
0 comments:
Post a Comment
Click to see the code!
To insert emoticon you must added at least one space before the code.