தமிழ், தெலுங்கு என இரண்டு மொழிகளில் பிரமாண்டமாக தயாராகி வரும் எஸ்.எஸ்.ராஜமவுலியின் 'பாஹுபாலி' படம் வரும் மே மாதம் 22ஆம் தேதி ரிலீஸ் ஆகும் என தகவல்கள் கூறுகின்றன. எஸ்.எஸ்.ராஜமவுலியின் "மாவீரன்', மற்றும் 'நான் ஈ' ஆகிய படங்கள் தமிழில் மாபெரும் வெற்றி பெற்றதை அடுத்து தமிழகத்தில் இந்த திரைப்படம் மிக அதிகளவிலான தியேட்டரில் ரிலீஸ் செய்ய திட்டமிடப்பட்டு வருகிறது.
இந்த படத்தின் தமிழ் வசனங்களை பிரபல பாடலாசிரியர் மதன்கார்க்கி எழுதியுள்ளார். சிவாஜி கணேசன் நடித்த மனோகரா, எம்.ஜி.ஆர் நடித்த நாடோடி மன்னன் படங்களுக்கு சமமான வசனங்கள் இந்த படத்தில் இடம்பெற்றுள்ளதாக கூறப்படுகிறது.
பிரபல முன்னணி தயாரிப்பு நிறுவனமான ஸ்டுடியோ க்ரீன் இந்த படத்தின் தமிழ் ரீமேக் உரிமையை யூவி கிரியேஷன் நிறுவனத்துடன் இணைந்து பெற்றுள்ளது என்பது குறிப்பிடத்தக்கது.
பிரபாஸ், ராணா, அனுஷ்கா, தமன்னா, சத்யராஜ், நாசர், சுதீப், ரம்யாகிருஷ்ணன் உள்பட பலர் நடித்துள்ள 'பாஹுபாலி' படத்திற்கு எம்.எம்.கீரவாணி இசையமைத்துள்ளார். இந்த படத்தின் மொத்த பட்ஜெட் ரூ.175 கோடி என்று கூறப்படுகிறது.
இந்த படத்திற்காக அனுஷ்கா வாள் பயிற்சி, குதிரையேற்றம் ஆகிய பயிற்சிகளை முறைப்படி கற்றுள்ளார் என்பது குறிப்பிடத்தக்கது.
0 comments:
Post a Comment
Click to see the code!
To insert emoticon you must added at least one space before the code.