சமந்தா-எமிஜாக்சன் பிரச்சனையை தீர்த்து வைத்த தனுஷ்

↓↓↓ Click above to see VIDEO ↓↓↓↓ click this ad

தனுஷ் நடித்த வேலையில்லா பட்டதாரி திரைப்படம் கடந்த வருடம் மிகப்பெரிய வெற்றி பெற்ற படங்களில் ஒன்று என்பது அனைவரும் அறிந்ததே. இந்நிலையில் இந்த படத்தின் இயக்குனர் வேல்ராஜ், மீண்டும் தனுஷுடன் சேர்ந்து ஒரு படம் இயக்கவுள்ளார் என்ற தகவல் சில நாட்களுக்கு முன்னர் வெளியானது.

இந்த புதிய படத்தில் தனுஷுக்கு ஜோடியாக எமி ஜாக்சன் நடிக்கவுள்ளதாக கூறப்பட்ட நிலையில் இந்த படத்தின் முக்கிய கேரக்டரில் சமந்தாவும் நடிக்க ஒப்பந்தமாகியுள்ளார். இந்நிலையில் சமந்தா, எமி ஜாக்சன் இருவரில் யார் முதல் ஹீரோயின், யார் இரண்டாவது ஹீரோயின் என்பது குறித்து சர்ச்சைக்குரிய செய்திகள் ஊடகங்களில் வெளியாகியது. 

இதற்கு சமீபத்தில் விளக்கமளித்த தனுஷ், 'இந்த படத்தில் முதல் ஹீரோயின், இரண்டாவது ஹீரோயின் என்ற பேச்சுக்கே இடமில்லை. சமந்தா, எமி ஜாக்சன் இருவருகே சமமான கேரக்டர்கள். இருவருமே முக்கிய கேரக்டர்களில் நடிக்கவுள்ளனர்' என்று கூறி இந்த பிரச்சனைக்கு முற்றுப்புள்ளி வைத்தார்.

வேல்ராஜ் இயக்கவிருக்கும் இந்த படத்திற்கு அனிருத் இசையமைக்கின்றார். முதல்முறையாக சமந்தாவும், எமி ஜாக்சனும் தனுஷுடன் ஜோடி சேரவுள்ள நிலையில் இந்த படத்தில் தனுஷுக்கு இரண்டு வேடங்கள் என்றும் கூறப்படுகிறது.