பிரபுதேவா இயக்கிய 'எங்கேயும் காதல்' படத்திற்கு பின்னர் ஜெயம் ரவி மற்றும் ஹன்சிகா இணைந்து நடிக்கும் இந்த படத்தின் டிரைலர் நாளை (டிசம்பர் 29) வெளியாகும் என படக்குழுவினர் அதிகாரபூர்வமாக அறிவித்துள்ளனர்.
ஜெயம் ரவிக்கு கடந்த 2009ஆம் ஆண்டு வெளிவந்த பேராண்மை படத்திற்கு பின்னர் சொல்லிக்கொள்ளும்படி எந்த படமும் வரவில்லை. தில்லாலங்கடி ஓரளவுக்கு ஓடினாலும் அதன்பின்னர் ஜெயம் ரவி நடித்து வெளிவந்த 'எங்கேயும் காதல், ஆதி பகவன், நிமிர்ந்து நில் ஆகிய படங்கள் அவருக்கு ஏமாற்றத்தையே கொடுத்தது. இந்நிலையில் ரோமியோ ஜூலியட் அவருக்கு ஒரு வெற்றிப்படமாக அமையும் என எதிர்பார்க்கப்படுகிறது.
ஜெயம் ரவி, ஹன்சிகாவுடன் வம்சி கிருஷ்ணா, பூனம் பாஜ்வா, விடிவி கணேஷ் மற்றும் பலர் நடிக்கும் இந்த படத்தில் ஆர்யா சிறப்பு தோற்றத்தில் நடிக்கின்றார். டி.இமான் இசையமைக்கும் இந்த படத்தை செளந்தர்ராஜான் ஒளிப்பதிவு செய்கிறார். இந்த படம் வரும் பிப்ரவரி மாதம் வெளியாகும் என எதிர்பார்க்கப்படுகிறது.
0 comments:
Post a Comment