விஜய்யின் 58-வது படத்தின் தலைப்பு இது தான்... அது தான்... என மாறி மாறி தகவல்கள் வெளியாகியவண்ணம் உள்ளன. இப்படத்திற்கு முதலில் மாரீசன், பிறகு கருடா, அதன் பின்பு போர்வாள், இறுதியாக புலி என படத்தின் தலைப்பு உறுதி செய்யப்பட்டுள்ளதாக தகவல்கள் வெளியாகியுள்ளன. இந்நிலையில் பொங்கல் அன்று விஜய் தான் நடித்து வரும் 58 படத்தின் தலைப்பை ட்விட்டரில் ரசிகர்களிடம் தெரிவிக்க உள்ளாராம்.
சிம்புதேவன் இயக்கத்தில் பேன்டஸி படத்தில் விஜய்க்கு ஸ்ருதி ஹாசன், ஹன்சிகா என இரண்டு ஹீரோயின்கள் உள்ளனர். இவர்களுடன் பெரிய திரைப்பட்டாளமே இப்படத்தில் நடித்து வருகின்றன. மேலும் இந்த படம் மூலம் பல காலம் கழித்து கோலிவுட்டுக்கு வந்துள்ளார் ஸ்ரீதேவி.
இப்படத்தில் விஜய் குள்ளமனிதராக நடிப்பதாக செய்திகள் வெளியானது. ஆனால் அதன் பின்பு அவர் குள்ள மனிதராக நடிக்கவில்லை எனவும் செய்திகள் வெளியாகின. இந்த படத்தில் ஹீரோயின்களை விட ஸ்ரீதேவிக்கு தான் அதிக சம்பளம் என்று கூறப்படுகிறது.
நாளுக்கு நாள் விஜய் படம் பற்றி வித விதமான செய்திகள் வெளிவந்த வண்ணம் உள்ளன. பொங்கல் அன்று டைட்டில் சஸ்பென்ஸ்க்கு விஜய்யே முடிவு கட்டவுள்ளார்.
0 comments:
Post a Comment