உலக நாயகன் கமல்ஹாசன் நடித்த 'உத்தம வில்லன்' திரைப்படம் வரும் மே மாதம் 1ஆம் தேதி ரிலீஸாகவுள்ளது. ஏற்கனவே அவர் நடித்த பாபநாசம்', விஸ்வரூபம் 2 ஆகிய திரைப்படங்கள் அடுத்தடுத்து ரிலீஸுக்கு தயாராகி வரும் நிலையில் கமல்ஹாசன் தனது அடுத்த படத்திற்கான ஆரம்பகட்ட பணிகளை தொடங்கிவிட்டதாக கூறப்படுகிறது.
'ஓர் இரவு' என்ற தலைப்பில் உருவாகயிருப்பதாக கூறப்படும் இந்த படம் முழுக்க முழுக்க மொரீஷியஸ் தீவில் படமாக்க திட்டமிடப்பட்டுள்ளது. மன்மதன் அம்பு' படத்திற்கு பின்னர் மீண்டும் கமல்ஹாசனுடன் த்ரிஷா இந்த படத்தில் அவருக்கு ஜோடியாக நடிக்கவுள்ளார். இந்நிலையில் இந்த படத்தின் முக்கிய கேரக்டர் ஒன்றில் பிரகாஷ்ராஜ் நடிக்க ஒப்பந்தம் செய்யப்பட்டிருப்பதாக தகவல்கள் வெளிவந்துள்ளது.
ஏற்கனவே வசூல்ராஜா எம்.பி.பி.எஸ் மற்றும் 'வேட்டையாடு விளையாடு' ஆகிய படங்களில் கமல்ஹாசனுடன் இணைந்து நடித்துள்ள பிரகாஷ்ராஜ் இந்த படத்தின் மூலம் மூன்றாவது முறையாக இணையவுள்ளார் என்பது குறிப்பிடத்தக்கது. ஜிப்ரான் இசயமைக்கவுள்ள இந்த படத்தை ஒரு ராஜேஷ் என்பவர் இயக்கவுள்ளார். கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனம் இந்த படத்தை தயாரிக்கவுள்ளது.
0 comments:
Post a Comment
Click to see the code!
To insert emoticon you must added at least one space before the code.