மெட்ராஸ், கொம்பன் ஆகிய இரு வெற்றிப்படங்களை தொடர்ந்து அளித்த கார்த்தி ஹாட்ரிக் வெற்றியை பெறுவதற்காக தற்போது "காஷ்மோரா" என்ற படத்தில் நடித்து வருகிறார். இதற்குத்தானா ஆசைப்பட்டாய் பாலகுமாரா' படத்தின் இயக்குனர் கோகுல் இயக்கவுள்ள் இந்த படத்தில் கார்த்தி இருவேடங்களில் நடிக்கவுள்ளார்.
கார்த்திக்கு ஜோடியாக நயன்தாரா மற்றும் ஸ்ரீதிவ்யா நடிக்கவுள்ள நிலையில் இந்த படத்தில் தற்போது காமெடி நடிகர் விவேக்கும் இணைந்துள்ளார். அவர் இந்த படத்தில் கார்த்தியின் தந்தையாக நடிக்கவுள்ளதாக செய்திகள் கூறுகின்றன.
இந்த கேரக்டருக்காக விவேக், அஜீத் வழியை பின்பற்றி சால்ட் அண்ட் பெப்பர் தோற்றத்தில் இருப்பதாக கூறப்பட்டது. இந்த தகவலை இன்று நடைபெற்ற 'பாலக்காட்டு மாதவன்' படத்தின் இசை வெளியீட்டு விழாவில் விவேக் உறுதிப்படுத்தியுள்ளார்.
காஷ்மோரா படத்தில் காமெடி கலந்த செண்டிமெண்ட் கேரக்டரில் நடிக்கவுள்ளதாகவும், முதன்முதலாக ஹீரோவுக்கு தந்தையாக நடிப்பது தனக்கு வித்தியாசமான அனுபவமாக உள்ளதாகவும் அவர் மேலும் தெரிவித்துள்ளார்.
0 comments:
Post a Comment
Click to see the code!
To insert emoticon you must added at least one space before the code.