எட்டு வருடங்களுக்கு பின்னர் ரீ எண்ட்ரி ஆன நடிகை ஜோதிகா நடித்து முடித்துள்ள '36 வயதினிலே' திரைப்படம் விரைவில் வெளிவர இருக்கின்றது. இந்நிலையில் இந்த படத்தில் ஒளிப்பதிவாளராக பணியாற்றிய திவாகர் தன்னுடைய சமூக வலைத்தளத்தில் கூறியபோது, 'வாழ்க்கையில் முதன்முறையாக ஒரு திரைப்படத்தை பார்த்து கண்ணீர் விட்ட திரைப்படம் '36 வயதினிலே' என்று பதிவு செய்துள்ளார். அந்த அளவுக்கு படத்தில் எமோஷனல் காட்சிகள் இருந்தததாகவும், இந்த படம் கண்டிப்பாக ரசிகர்களை பெரிதும் கவரும் என்றும் அவர் நம்பிக்கை தெரிவித்துள்ளார்.
ஜோதிகா, ரகுமான், அபிராமி, நாசர், டெல்லி கணேஷ், இளவரசு, எம்.எஸ்.பாஸ்கர், தேவதர்ஷினி, உள்பட பலர் நடித்துள்ள இந்த திரைப்படத்தை மலையாளத்தில் 'ஹவ் ஓல்ட் ஆர் யூ' படத்தை இயக்கிய ரோஷன் ஆண்ட்ரூஸ் இயக்கியுள்ளார்.
இந்த படத்திற்கு சந்தோஷ் நாராயணன் இசையமைத்துள்ளார். சமீபத்தில் வெளியான இந்த படத்தின் பாடல்கள் அனைத்தும் தனியார் எப்.எம் வானொலி உள்பட அனைத்து இடங்களிலும் சூப்பர் ஹிட் ஆகியுள்ளது. குறிப்பாக 'வாடி ராசாத்தி' பாடல் பட்டிதொட்டியெங்கும் ஒலித்து வருவதாக செய்திகள் வெளிவந்துள்ளன.
0 comments:
Post a Comment
Click to see the code!
To insert emoticon you must added at least one space before the code.