கார்த்தி நடித்த 'மெட்ராஸ்' படத்தின் மூலம் கோலிவுட் ரசிகர்களுக்கு அறிமுகமான நடிகை கேதரின் தெரஸா, அடுத்து விஷ்ணு நடிக்கவுள்ள சயன்ஸ் பிக்சன் படத்தில் அவருக்கு ஜோடியாக நடிக்கவுள்ளார்.
வீர தீர சூரன்' என்ற தலைப்பில் உருவாகவிருக்கும் இந்த படத்தை முதலில் சுசீந்திரன் இயக்குவதாகத்தான் இருந்தது. ஆனால் அதன் பின்னர் படத்தின் தயாரிப்பாளர் இந்த படத்தை இயக்கும் பொறுப்பை ஷங்கர் தயாளிடை கொடுத்துவிட்டார். இவர் ஏற்கனவே கார்த்தி நடித்த சகுனி' படத்தை இயக்கியவர் என்பது குறிப்பிடத்தக்கது.
இந்த படத்தில் விஷ்ணு-கேதரின் தெரஸா கெமிஸ்ட்ரி மிகவும் அற்புதமாக அமைந்துள்ளது என்பது முதல் போட்டோஷூட்டிலேயே தெரிந்துவிட்டதாகவும், மெட்ராஸ் படத்திற்கு பின்னர் கேதரின் தெரஸாவுக்கு இந்த படம் ஒரு பெரிய திருப்புமுனையை அளிக்கும் விதமாக அமையும் என்று படக்குழுவினர் தெரிவித்தனர். கேதரின் தெரஸா தற்போது ருத்ரம்மாதேவி, கணிதன் ஆகிய படங்களில் நடித்து வருகிறார்.
அதேபோல் விஷ்ணு விஷாலும் ஏற்கனவே இடம் பொருள் ஏவல், கலக்கற மாப்ளே, இன்று நேற்று நாளை மற்றும் போடா ஆண்டவனே என் பக்கம்' போன்ற படங்களில் நடித்து வருகிறார் என்பது குறிப்பிடத்தக்கது.
0 comments:
Post a Comment