↓↓↓ Click above to see VIDEO ↓↓↓↓ click this ad

கடந்த 1982ஆம் ஆண்டு சூப்பர் ஸ்டார் ரஜினிகாந்த், ஸ்ரீதேவி, ஸ்ரீப்ரியா, ஜெயசங்கர் மற்றும் பலர் நடிப்பில் வெளிவந்த திரைப்படம் 'தனிக்காட்டு ராஜா'. தற்போது 33 வருடங்கள் கழித்து மீண்டும் இதே பெயரில் ஒரு திரைப்படம் உருவாகவுள்ளது.

இந்த படத்தில் விக்ரம்பிரபு ஹீரோவாக நடிக்கின்றார். இந்த படத்தை நவீன் ராகவன் இயக்கவுள்ளார். இவர் ஏற்கனவே விமல், லட்சுமிமேனன், ராஜ்கிரண் நடிப்பில் வெளியான 'மஞ்சப்பை' என்ற வெற்றி படத்தை இயக்கியவர் என்பது குறிப்பிடத்தக்கது.

பொழுதுபோக்கு, நகைச்சுவை, ரொமான்ஸ் என கமர்ஷியல் படமாக உருவாகவுள்ள இந்த படத்திற்கு இசைஞானி இளையராஜா இசையமைக்கவுள்ளார். ரஜினி நடித்த 'தனிக்காட்டு ராஜா' படத்திற்கும் இளையராஜாதான் இசையமைத்தார் என்பது குறிப்பிடத்தக்கது.

இந்த படத்தில் விக்ரம் பிரபுவுக்கு ஜோடியாக நடிக்கவுள்ள நடிகை மற்றும் தொழில்நுட்ப கலைஞர்களின் தேர்வு நடைபெற்று வருவதாகவும் விரைவில் இந்த படத்தின் படப்பிடிப்பு தொடங்கவுள்ளதாகவும் கூறப்படுகிறது. விக்ரம் பிரபு தற்போது ஏ.எல்.விஜய் இயக்கத்தில் இது என்ன மாயம்' என்ற படத்திலும் ஜி.என்.ஆர். குமரவேலன் இயக்கத்தில் ‘வாகா’ படத்திலும் நடித்து வருகிறார் என்பது குறிப்பிடத்தக்கது.

0 comments:

Post a Comment

:) :)) ;(( :-) =)) ;( ;-( :d :-d @-) :p :o :>) (o) [-( :-? (p) :-s (m) 8-) :-t :-b b-( :-# =p~ $-) (b) (f) x-) (k) (h) (c) cheer
Click to see the code!
To insert emoticon you must added at least one space before the code.

 
Tamil Excellent © 2013. All Rights Reserved. Powered by Blogger
Top