மணிரத்னம் இயக்கத்தில் வெளியாகியுள்ள ஓ காதல் கண்மணி அமெரிக்காவிலும் நல்ல வரவேற்பைப் பெற்றுள்ளது. மணிரத்னம் படங்கள் கடந்த பல ஆண்டுகளாக பாக்ஸ் ஆபீஸில் பெரிய வெற்றிகளைப் பெறத் தவறி வந்தன. கடல் படம் படுதோல்வியைத் தழுவியது.
இந்த நிலையில், கடந்த வெள்ளிக்கிழமை வெளியான அவரது ஓ காதல் கண்மணி நல்ல வரவேற்பைப் பெற்றுள்ளது. உள்நாட்டில் மட்டுமல்லாமல், வெளிநாடுகளிலும் படத்துக்கு நல்ல வரவேற்பு கிடைத்துள்ளது. ஓ காதல் கண்மணி மற்றும் அதன் தெலுங்குப் பதிப்பான ஓகே பங்காரம் இரண்டும் வியாழக்கிழமை சிறப்புக் காட்சியில் மட்டும் ரூ 1.60 கோடியை வசூலித்துள்ளன. இதில் தமிழ்ப் பதிப்பு மட்டும் ரூ 1.10 கோடியை வசூலித்துள்ளது.
அஜீத், விஜய் படங்களுக்கு நிகரான வரவேற்பு ஓ காதல் கண்மணிக்கும் அங்கு கிடைத்துள்ளது. குறைவான விலைக்கே படம் விற்கப்பட்டிருப்பதால், வெளியிட்ட ப்ரைம் மீடியா நிறுவனத்துக்கும் நல்ல லாபம் கிடைத்துள்ளது.
0 comments:
Post a Comment