அஜித் தற்போது கௌதம் மேனன் இயக்கும் படத்தில் நடிக்கிறார். இந்த படத்தில் அஜித்துக்கு ஜோடியாக த்ரிஷா, அனுஷ்கா நடிக்கிறார்கள்.
தல 55 என்று கூறப்படும் இந்த படத்திற்கு இன்னும் அதிகாரப்பூர்வ தலைப்பு அறிவிக்கப்படவில்லை. அஜித் கடைசியாக நடித்த இரண்டு படங்களுக்குமே தலைப்பு படப்பிடிப்பு ஆரம்பமான பிறகுதான் அறிவிக்கப்பட்டது. இரண்டு படங்களுமே வியாபார ரீதியாக வெற்றி பெற்றது என்றும் சொன்னார்கள். ஒரு வேளை அந்த சென்டிமென்ட் காரணமாகவே இந்த புதிய படத்திற்கும் தலைப்பு வைப்பதை தள்ளிப் போடுகிறார்கள் என்றும் ஒரு பேச்சு அடிபடுகிறது.
தல 55வது படத்தின் படப்பிடிப்பு கிட்டதட்ட 75% முடிந்து விட்டதாக கூறப்படுகிறது. இந்நிலையில் படத்தின் தலைப்பு ஆயுத பூஜை, விஜயதசமி நாட்களில் படத்தின் தலைப்பை அறிவிக்கலாம் என்று கிசுகிசுக்கப்பட்டது. ஆனால் அந்நாளில் படத்தின் தலைப்பை எதிர்பார்த்து காத்திருந்த ரசிகர்களுக்கு ஏமாற்றமே மிஞ்சியது. எனவே ரசிகர்களை மீண்டும் ஏமாற்றாமல் இன்னும் சில நாட்களில் படத்தின் தலைப்பு பற்றிய அறிவிப்பை வெளியிட வாய்ப்புள்ளதாக தமிழ் சினிமா வட்டாரங்கள் கிசுகிசுக்கிறது.
0 comments:
Post a Comment