மேற்கிந்திய தீவுகளுக்கு எதிரான 2வது ஒருநாள் போட்டியில் மேற்கொண்ட புதிய வியூகம் வெற்றிக்கு கைகொடுத்தது என இந்திய அணித்தலைவர் டோனி கூறியுள்ளார்.
இந்தியா வந்துள்ள மேற்கிந்திய தீவுகள் அணி ஐந்து ஒருநாள் போட்டிகள் கொண்ட தொடரில் பங்கேற்று வருகிறது. முதல் போட்டியில் தோல்வியடைந்த இந்திய அணி, டெல்லியில் நடந்த 2வது போட்டியில் வெற்றி பெற்றது.
இந்த வெற்றி குறித்து டோனி கூறுகையில், விராட் கோஹ்லி அனுபவமான வீரர். அணிக்கு என்ன தேவை என்பதை நன்கு அறிவார்.
துடுப்பாட்ட வரிசையில் 3வது வீரராக வரும் இவரை 4வது வீரராக களமிறக்குவது என வியூகம் வகுத்தோம். இது அணிக்கும், இவருக்கும் சிறந்தது என்பதை புரிந்து கொண்டார். அரைசதம் கடந்து வெற்றிக்கு கைகொடுத்தார்.
மேலும் நமது பந்துவீச்சாளர்கள் திறமையுடன் செயல்பட்டனர். மேற்கிந்திய தீவுகள் அணியின் வீரர்களுக்கு நெருக்கடி தந்தனர். குறிப்பாக, ஷமி அசத்தலாக பந்துவீசினார்.
தொடர்ந்து போட்டியில் வெற்றி பெறவே விரும்புகிறோம். தனி ஒரு வீரர் அணியில் இடம்பெறுவதை விட, ஒட்டுமொத்த அணியின் நலனில்தான் கவனம் உள்ளது.
மேற்கிந்திய தீவுகள் அணியை ஒருபோதும் குறைத்து மதிப்பிட முடியாது. அதிரடியாக விளையாடக்கூடிய வீரர்கள் அதிகம் பேர் உள்ளனர் என்று கூறியுள்ளார்.
0 comments:
Post a Comment