சர்வதேச கிரிக்கெட் கவுன்சில் சார்பில் 2014ம் ஆண்டுக்கான சிறந்த வீரர்கள் அடங்கிய ஒருநாள் மற்றும் டெஸ்ட் அணிகள் அறிவிக்கப்பட்டுள்ளன. ஒருநாள் போட்டிக்கான ஐசிசி கனவு அணியின் கேப்டனாக இந்தியாவின் எம்.எஸ்.டோனி தேர்வு செய்யப்பட்டுள்ளார். விராத் கோஹ்லி, ரோகித் ஷர்மா, முகமது ஷமி ஆகியோரும் இடம் பெற்றுள்ளனர்.
டெஸ்ட் போட்டிகளுக்கான தரவரிசையில் 6வது இடத்துக்கு பின்தங்கியுள்ள இந்திய அணியில் இருந்து, ஒரு வீரர் கூட ஐசிசி டெஸ்ட் அணிக்கு தேர்வு பெறவில்லை என்பது குறிப்பிடத்தக்கது. இந்தியாவின் டோனி (ஒருநாள்), தென் ஆப்ரிக்காவின் டேல் ஸ்டெயின் (டெஸ்ட்) இருவரும் தொடர்ந்து 7வது ஆண்டாக ஐசிசி கனவு அணியில் இடம் பிடித்துள்ளனர். இந்திய அணி முன்னாள் கேப்டன் அனில் கும்ப்ளே தலைமையிலான ஐசிசி கிரிக்கெட் கமிட்டி, வீரர்களை தேர்வு செய்துள்ளது.
ஐசிசி ஒருநாள் அணி: முகமது ஹபீஸ், குவின்டான் டி காக், விராத் கோஹ்லி, ஜார்ஜ் பெய்லி, டி வில்லியர்ஸ், எம்.எஸ்.டோனி (கேப்டன்/ விக்கெட் கீப்பர்), டுவைன் பிராவோ, ஜேம்ஸ் பாக்னர், டேல் ஸ்டெயின், முகமது ஷமி, அஜந்தா மெண்டிஸ், ரோகித் ஷர்மா (12வது வீரர்). ஐசிசி டெஸ்ட் அணி: டேவிட் வார்னர், கேன் வில்லியம்சன், குமார் சங்கக்கரா, டி வில்லியர்ஸ், ஜோ ரூட், ஏஞ்சலோ மேத்யூஸ் (கேப்டன்), மிட்செல் ஜான்சன், ஸ்டூவர்ட் பிராடு, டேல் ஸ்டெயின், ரங்கனா ஹெராத், டிம் சவுத்தீ, ராஸ் டெய்லர் (12வது வீரர்).
0 comments:
Post a Comment
Click to see the code!
To insert emoticon you must added at least one space before the code.