லிங்கா படத்தின் டீசர் இரண்டு தினங்களுக்கு முன் வெளியிடப்பட்டது. டீசரில் படத்தின் வெளியீட்டை டிசம்பர் மாதம் என்று குறிப்பிட்டுள்ளார்கள். அது, ரஜினிகாந்தின் பிறந்த நாள் ரிலீசாக மட்டுமே இருக்க வாய்ப்புண்டு. பொதுவாகவே, பெரிய படங்கள் வெளிவந்தால் மற்ற சிறிய படங்கள் வெளிவர இயலாத சூழ்நிலைதான் உள்ளது. ஆனால், ரஜினிகாந்த் நடிக்கும் படம் வெளிவருகிறதென்றால் பெரிய படங்கள் கூட வெளியாவது தள்ளி வைக்கப்பட்டு விடும். ரஜினிகாந்திற்கு இன்னமும் இருக்கும் பேரும், புகழும்தான் அதற்குக் காரணம். இதற்கு முன்னும் சிவாஜி, எந்திரன் ஆகிய படங்கள் வெளிவந்த போது பல படங்களின் வெளியீடு, தள்ளி வைக்கப்பட்டும் சில வாரங்கள் முன்னதாகவும் வெளிவந்தது.
அதே நிலை தற்போது ஏற்பட்டுள்ளது. இந்த நவம்பர் மாதத்தில் சுமார் 25க்கும் மேற்பட்ட படங்கள் வெளியாகும் என்று எதிர்பார்க்கப்படுகிறது. இந்த வாரம் 7ம் தேதி, “ஒரு ஊர்ல ரெண்டு ராஜா, அர்ஜுனின் ஜெய்ஹிந்த் 2, பண்டுவம், ஆகிய படங்களும், 14ம் தேதி “காவியத் தலைவன், திருடன் போலீஸ், முருகாற்றுபடை, அப்புச்சி கிராமம், புலிப் பார்வை, ஞானக்கிறுக்கன்,” ஆகிய படங்களும், 21ம் தேதி, வன்மம், படமும் வெளியாகும் என விளம்பரப்படுத்தப்பட்டு வருகிறது. இவற்றோடு இந்த மாத வெளியிடாக , “அனேகன், இசை, ஆ, வாலிபராஜா, களவாடிய பொழுதுகள், கப்பல், நம்பியார், ” இவற்றோடு மேலும் சில படங்களும் வெளியாக வாய்ப்புள்ளது.
டிசம்பர் 12ம் தேதி லிங்கா வெளிவரும் பட்சத்தில் டிசம்பர் முதல் வாரத்தில் வேறு படங்கள் வெளியாகும் வாய்ப்பு குறைவுதான். அதோடு, டிசம்பர் கடைசி வாரத்தில் கிறிஸ்துமஸ் தினத்தன்று வேண்டுமானாலும் ஒரு சில படங்கள் வெளியாகலாம். இந்த படங்களுடன் இந்த ஆண்டு வெளிவரும் தமிழ்ப் படங்களின் எண்ணிக்கை கண்டிப்பாக 200ஐத் தாண்டி விடும்.
0 comments:
Post a Comment
Click to see the code!
To insert emoticon you must added at least one space before the code.