அரண்மனை, ஆம்பள என தொடர்ச்சியாக அடுத்தடுத்து வெற்றி படங்களை கொடுத்து வரும் கமர்ஷியல் இயக்குனர் சுந்தர் சி மற்றும் ஹாட்ரிக் வெற்றிப்படங்களை கொடுத்த சிவகார்த்திகேயனும் இணையவுள்ளதாக செய்திகள் வெளிவந்துள்ளன.
'காக்கி சட்டை' படத்தை முடித்துவிட்டு, தற்போது 'ரஜினி முருகன்' படத்தில் பிசியாக இருக்கும் சிவகார்த்திகேயன், அடுத்ததாக சுந்தர் சியின் இயக்கத்தில் நடிக்க பேச்சுவார்த்தை நடத்தி வருவதாகவும், விரைவில் இதுகுறித்த நல்ல செய்தி அவருடைய ரசிகர்களுக்கு தெரியவரும் என்றும் கூறப்படுகிறது.
காமெடி மற்றும் ஹீரோயிசத்தில் கலக்கி வரும் சிவகார்த்திகேயனும், காமெடி திரைக்கதை மன்னன் சுந்தர் சியும் இணைந்தால் இந்த திரைப்படம் மீண்டும் ஒரு 'உள்ளத்தை அள்ளித்தா' அளவுக்கு சூப்பர் ஹிட் ஆகும் என்ற எதிர்பார்ப்பு கோலிவுட்டில் நிலவி வருகிறது. மேலும் இந்த படத்தில் சந்தானமும் நடிக்கவுள்ளதாகவும் செய்திகள் கூறுகின்றன. விரைவில் ஒரு காமெடி சாம்ராஜ்ய திரைப்படத்தின் அறிவிப்பை எதிர்பார்க்கலாம்.
0 comments:
Post a Comment