ஒட்டு மொத்த தமிழ் சினிமா ரசிகர்களையும் திரும்பி பார்க்க வைத்துள்ள படம் ஐ. இந்த படத்தின் டீஸருக்கு கிடைத்த வரவேற்பு இதுவரை எந்த தமிழ் படத்திற்கும் கிடைக்கவில்லை.
இந்த படத்திற்காக விக்ரமின் கடின உழைப்பை கண்டு கோலிவுட் நடிகர்கள் அனைவரும் ஆச்சர்யத்தில் உறைந்துள்ளனர். ஐ படத்தில் விக்ரமுக்கு ஜோடியாக எமி ஜாக்சன் நடித்துள்ளார். ஷங்கரின் இந்த பிரம்மாண்ட படைப்பை பார்க்க ரசிகர்கள் மட்டுமின்றி அனைத்து திரையுலக நட்சத்திரங்களுக்கு காத்திருக்கின்றனர். கத்தி படம் வெளியான நாளன்றே ஐ படம் வெளியாகும் என்று அறிவிக்கப்பட்டது. ஆனால் சில கிராபிக்ஸ் வேலைகள் இருந்ததால் படத்தின் ரிலீஸ் தேதியை தள்ளி வைத்தனர்.
இந்நிலையில் ஐ படம் பொங்கலன்று வரும் என்று சில நாட்களுக்கு முன் அதிகாரப்பூர்வ அறிவிப்பு வந்தது. தற்போது மீண்டும் ரிலீஸ் தேதி மாறியுள்ளது. ஆனால் இம்முறை ரிலீஸ் தேதியை தள்ளி போடாமல் முன்கூட்டியே ரிலீஸ் செய்ய முடிவு செய்துள்ளனர். பொங்கலுக்கு மூன்று நாட்களுக்கு முன்பே அதாவது ஜனவரி 9ம் தேதி ரிலீஸாகவுள்ளது.
கௌதம் மேனன் இயக்கும் அஜித் நடிக்கும் ‘என்னை அறிந்தால்’ படம் ஜனவரி 8ஆம் தேதி வெளியிடத் திட்டமிட்டிருப்பதாக முதலில் தகவல்கள் வெளியாகின. ஆனால், ‘ஐ’ படம் 9ஆம் தேதி வெளியாகுமென்பதால் ‘என்னை அறிந்தால்’ படத்தின் ரிலீஸ் தேதியில் மாற்றம் இருக்கவும் வாய்ப்பிருப்பதாகக் கூறபப்படுகிறது. ஜனவரி 15ஆம் தேதி விஷாலின் ‘ஆம்பள’ படமும் கோதாவில் குதிக்கிறது. இதனிடையே ரஜினியின் லிங்கா படம் டிசம்பர் 12ம் தேதி வெளியாகி பல்வேறு சாதனைகளை உடைக்க காத்திருக்கின்றன. அந்த சாதனைகளை எல்லாம் ஐ முறியடிக்கும் என்று கோலிவுட் வட்டாரம் நம்பிக்கை தெரிவித்துள்ளது.
0 comments:
Post a Comment
Click to see the code!
To insert emoticon you must added at least one space before the code.