‘கத்தி’ திரைப்படத்தை அடுத்து “விஜய் 58″ படத்தின் செய்திகள் தற்போது கோலிவுட்டில் வெளிவந்து கொண்டிருக்கின்றது. சிம்புதேவன் இயக்கவிருக்கும் இந்த திரைப்படத்தில் விஜய்க்கு ஜோடியாக ஸ்ருதிஹாசன் மற்றும் ஹன்சிகா நடிக்க உள்ளனர். ஸ்ரீதேவி மற்றும் நான் ஈ சுதீப் ஆகியோர்களும் முக்கிய வேடங்களில் நடிக்கவுள்ள இந்த திரைப்படத்தின் படப்பிடிப்பு மிக விரைவில் ஆரம்பமாக உள்ளது.
இந்நிலையில் இந்த படத்தின் ஸ்டண்ட் இயக்குனராக ஹாலிவுட்டில் பெரும் புகழ்பெற்ற லீ விட்டேக்கர் (Lee Whittaker,) அவர்கள் ஒப்பந்தம் செய்யப்பட்டுள்ளார். இவர் ஏற்கனவே கமல்ஹாசனின் “விஸ்வரூபம்” மற்றும் அஜீத்தின் “ஆரம்பம்” ஆகிய திரைப்படங்களில் ஸ்டண்ட் இயக்குனராக பணியாற்றியுள்ளார் என்பது குறிப்பிடத்தக்கது.
மேலும் லீ விட்டேக்கர் ஹாலிவுட்டில் இருந்து மேலும் மூன்று ஸ்டண்ட் கலைஞர்களை வரவழைக்கவுள்ளதாக இயக்குனரிடம் கூறியுள்ளாராம். சாதாரணமாகவே விஜய் படம் என்றாலே ஆக்சனில் பொறி பறக்கும். இந்நிலையில் ஹாலிவுட் ஸ்டண்ட் கலைஞர்களின் பயிற்சி என்றால் கேட்கவே வேண்டாம். இதுவரை இல்லாத அளவில் விஜய்யின் அதிரடி சண்டைக்காட்சிகள் விஜய் 58 படத்தில் இருக்கும் என எதிர்பார்க்கப்படுகிறது.
0 comments:
Post a Comment