அமைராவுடன் என்ன உறவு? தனுஷ் பதில்

↓↓↓ Click above to see VIDEO ↓↓↓↓ click this ad ஆர்யாவுடன் ஹீரோயின்கள் இணைத்து கிசுகிசுக்கப்படுவதுபோல் சமீபகாலமாக ஹீரோயின்களுடன் இணைத்து கிசுகிசுக்கப்படுகிறார் தனுஷ். ‘3' படத்தில் நடித்தபோது ஸ்ருதியுடன் இணைத்து பேசப்பட்டார். இப்போது ‘அனேகன்' பட ஹீரோயின் அமைரா தஸ்தருடன் இணைத்து பேசப்படுகிறார். ஏற்கனவே இதுகுறித்து கருத்து தெரிவித்திருந்த அமைரா, 'தனுஷுடன் நட்பு முறையில்தான் பழகினேன் மற்றபடி எதுவும் இல்லை' என குறிப்பிட்டிருந்தார். 

இதுபற்றி தனுஷ் கூறும்போது"மற்ற யாரையும் போல் அமைராவும் எனக்கு ஒரு சக நடிகை அவ்வளவுதான். நான் திருமணம் ஆகி மனைவி, 2 குழந்தைகளுடன் சந்தோஷமாக வாழ்ந்துகொண்டிருக்கிறேன். இதைவிட எனக்கு வேறு எதுவும் தேவையில்லை. இந்தி படங்களை பொறுத்தவரையில் ஒரு சில பெரிய நிறுவனங்கள் ஹீரோவிடம் எதிர்பார்க்கும் அம்சங்களுக்கு ஏற்ற ஹீரோ நான் கிடையாது. பாலிவுட்டில் நான் இழப்பதற்கு எதுவும் கிடையாது. 

அதனால்தான் சோதனை முயற்சியில் என் படங்களை தேர்ந்தெடுக்கிறேன். எனது முதல் படம் ‘ராஞ்சனா'க்கு பிறகு அதேபாணியில் நிறைய கதைகள் வந்தன. ஏற்கவில்லை. பால்கி இயக்கத்தில் அமிதாப், பி.சி.ஸ்ரீராம், இளையராஜா கூட்டணியில் நடிக்கும் ‘ஷமிதாப்' எனக்கு 2வது படமாக அமைந்தது பெருமை. இந்த கூட்டணியில் சேர்ந்து நின்றாலே எனக்கு கால்கள் தடுமாறும். அவர்களுடன் நடிப்பதென்பது பெரிய விஷயம்" என்றார்.