சூப்பர் ஸ்டார் ரஜினிகாந்த் நடித்த 'லிங்கா ' திரைப்படத்தின் டீஸர் சற்று முன் வெளியானது. டீசர் வெளியான சில நிமிடங்களில் இந்திய அளவில் முதலிடத்தை பிடித்தது. நேற்று முன் தினம் அஜீத் நடிப்பில் டைட்டில் வெளியான சில நிமிடங்களில் டுவிட்டர் டிரெண்டில் முதலிடத்தை சில நிமிடங்களில் பிடித்ததுபோல இன்று லிங்கா டுவிட்டர் டிரெண்டில் முதலிடத்தை பிடித்துள்ளது.
என்னை அறிந்தால், லிங்கா ஆகிய இரண்டு பிரமாண்டமான படங்களில் டிரெண்டினால் இதுவரை டிரெண்டில் இருந்த விஜய்யின் கத்தி காணாமல் போனது என்பது குறிப்பிடத்தக்கது.
இன்றும் நாளையும் வார இறுதி நாள் என்பதால் இரண்டு நாட்களும் ரஜினி ரசிகர்கள் விடாமல் லிங்கா ஸ்டேட்டஸ் போட்டுக்கொண்டிருப்பார்கள் என்றும், அதனால் இன்னும் இரண்டு நாட்களுக்கு டுவிட்டரில் லிங்கா டிரெண்ட் இந்திய அளவிலும் உலக அளவிலும் இருக்கும் என்று கூறப்படுகிறது.
மேலும் லிங்கா படத்தின் டீஸர் ஜப்பான் டுவிட்டரில் முதலிடத்தை பிடித்துவிட்டது என்று அங்கிருந்து வரும் தகவல்கள் கூறுகின்றன. ஏற்கனவே ரஜினியின் படங்களுக்கு ஜப்பானில் பெரும் வரவேற்பு இருக்கும் என்பது தெரிந்ததே. தற்போது லிங்கா டீசருக்கும் ஜப்பானில் பெரும் வரவேற்பு கிடைத்துள்ளது.
0 comments:
Post a Comment