ஜோடி இல்லை : சந்தோசத்தில் விஜய் சேதுபதி..!

↓↓↓ Click above to see VIDEO ↓↓↓↓ click this ad

விஜய் சேதுபதி - கிருஷ்ணா நடிப்பில் உருவாகியுள்ள புதிய படம் வன்மம். இதில் கதாநாயகியாக சுனைனா நடித்துள்ளார்.

கோலி சோடா படத்தில் வில்லன் வேடத்தில் நடித்த மதுசூதனன் சுனைனாவுக்கு அண்ணனாக நடித்துள்ளார். ஜெயக்கிருஷ்ணன் என்ற புதுமுக இயக்குனர் இயக்கியுள்ளார்.

இவர் கடந்த 25 வருடங்களாக சினிமாவில் இயக்குனராக வேண்டும் என்று முயற்சி செய்து தற்போது இந்த படத்தின் மூலம் இயக்குனராக அறிமுகமாகியிருக்கிறார். 

இப்படத்தில் விஜய் சேதுபதி ராதாகிருஷ்ணன் என்ற கதாபாத்திரத்தில் நடித்துள்ளார். கிருஷ்ணா செல்லத்துரை என்ற கதாபாத்திரத்தில் நடித்துள்ளார்.

சுனைனா கிருஷ்ணாவுக்கு ஜோடியாக நடித்துள்ளார். விஜய் சேதுபதிக்கு ஜோடி கிடையாது.

இதுகுறித்து இயக்குனர் கூறும்போது :-

"விஜய் சேதுபதியிடம் இந்த கதையை நான் சொன்னபோது, பொறுமையாக கேட்ட விஜய் சேதுபதி, கதையின் வலுவை உணர்ந்து உடனே நடிக்க ஒப்புக்கொண்டார்.

இந்த படத்தில் அவருக்கு ஜோடி இல்லை என்று சொன்னபோதும், சந்தோஷமாக இதில் நடிக்க முடிவு செய்தார்" என்றார். 

இப்படத்தின் படப்பிடிப்பை முழுக்க முழுக்க குமரி மாவட்டத்திலேயே தொடர்ந்து 60 நாட்கள் நடத்தி முடித்துள்ளனர்.

எதிர்வரும் நவம்பர் 21-ம் திகதி இப்படத்தை வெளியிட முடிவு செய்துள்ளனர். படத்திற்கு தணிக்கை குழுவினர் யு சான்றிதழ் வழங்கியுள்ளது குறிப்பிடத்தக்கது.