சமீபத்தில் 'குவீன்' படத்தில் சிறப்பாக நடித்ததற்காக சிறந்த நடிகைக்கான தேசிய விருது பெற்ற நடிகை கங்கனா ரனாவத், ஏற்கனவே ஃபேஷன் என்ற படத்திற்காக தேசிய விருது பெற்றவர் என்பது குறிப்பிடத்தக்கது. இரண்டு முறை தேசிய விருது பெற்ற நடிகை என்ற புகழ்பெற்றுள்ள நடிகை கங்கனா ரனாவத், சமீபத்தில் அளித்த பேட்டி ஒன்றில் கூறியபோது:
இரண்டாவது முறையாக தேசிய விருது பெற்ற போதிலும் தன்னுடைய நிஜ வாழ்க்கையிலோ அல்லது திரையுலக வாழ்க்கையிலோ எந்த பெரிய மாற்றமும் ஏற்படவில்லை. ஆனால் தற்போது பெரிய இயக்குனர்களிடம் இருந்து வாய்ப்புகள் அதிகம் வருகிறது. அதுவும் நாயகிக்கு முக்கியத்துவம் உள்ள கதாபாத்திரத்தில் நடிக்க அதிக வாய்ப்புகள் வருகின்றது.
தென்னிந்திய படங்களில் நடிக்க அதிக வாய்ப்புகள் என்னை தேடி வந்தபோதிலும், நல்ல கதாபாத்திரத்துடன் சூப்பர் ஸ்டார் மகேஷ்பாபு ஹீரோவாக நடித்தால் மட்டுமே நடிப்பேன்' என்று கங்கனா ரனாவத் அதிரடியாக கூறியுள்ளார். ஆனால் கங்கனா கடந்த 2009ஆம் ஆண்டு பிரபாஸ் நடித்த "ஏக் நிரஞ்சன்' என்ற படத்தில்தான் தெலுங்கில் அறிமுகமானார் என்பது குறிப்பிடத்தக்கது. கங்கனா ரனாவத் நடித்த ஒரே தமிழ்ப்படம் ஜெயம் ரவி நடித்த 'தாம் தூம்' என்பது குறிப்பிடத்தக்கது.
0 comments:
Post a Comment