தனுஷ் நடிக்க வேண்டிய படத்தில் சிவகார்த்திகேயன்

↓↓↓ Click above to see VIDEO ↓↓↓↓ click this ad

சிவகார்த்திகேயன், ஸ்ரீதிவ்யா நடிப்பில் உருவான 'காக்கி சட்டை' திரைப்படம் வரும் 27ஆம் தேதி ரிலீஸாகவுள்ள நிலையில் இந்த படத்தின் கதை முதலில் தனுஷிற்காகத்தான் உருவாக்கப்பட்டதாக இயக்குனர் துரை செந்தில்குமார் கூறியுள்ளார்.

'எதிர்நீச்சல்' படத்தின் வெற்றிக்கு பின்னர் தனுஷுடன் இணைந்து ஒரு படத்தை இயக்க தான் ஒப்புக்கொண்டதாகவும், அவருக்காகவே உருவாக்கப்பட்ட கதைதான் 'காக்கி சட்டை' என்று கூறிய துரை செந்தில்குமார், பின்னர் தனுஷ் கேட்டுக்கொண்டதற்கு இணங்க இந்த படத்தில் சிவகார்த்திகேயன் ஒப்பந்தம் செய்யப்பட்டதாக கூறியுள்ளார். பின்னர் சிவகார்த்திகேயனுக்காக ஒருசில மாற்றங்கள் செய்து படத்தை இயக்கியவதாகவும் அவர் தெரிவித்தார்.

சிவகார்த்திகேயன், ஸ்ரீதிவ்யா, பிரபு, மனோபாலா, வித்யூலேகா ராமன், இமான் அண்ணாச்சி உள்பட பலர் நடித்திருக்கும் இந்த திரைப்படத்தை தனுஷ் தனது வொண்டர்பார் பிலிம்ஸ் நிறுவனத்தின் மூலம் தயாரித்துள்ளார். அனிருத் இசையமைத்திருக்கும் இந்த படத்திற்கு பிரபல க்ரைம் நாவலாசிரியர் பட்டுக்கோட்டை பிரபாகர் வசனம் எழுதியுள்ளார். எம்.சுகுமார் ஒளிப்பதிவு செய்திருக்கும் இந்த படத்தை விவேக் ஹர்ஷன் எடிட்டிங் செய்துள்ளார்.

எதிர்நீச்சல், வருத்தப்படாத வாலிபர் சங்கம், மான் கராத்தே என ஹாட்ரிக் வெற்றியை பெற்ற சிவகார்த்திகேயனின் அடுத்த வெற்றிப்படத்தை பார்க்க அவரது ரசிகர்கள் மிகுந்த ஆர்வத்துடன் உள்ளனர்.