ஆர்யா, விஜய் சேதுபதி, ஷாம், கார்த்திகா நாயர் மற்றும் பலர் நடிப்பில் பிரபல இயக்குனர் எஸ்.பி.ஜனநாதன் இயக்கிய 'புறம்போக்கு என்னும் பொதுவுடமை' என்னும் திரைப்படத்தின் படப்பிடிப்பு சமீபத்தில் முடிவடைந்த நிலையில் இந்த படத்தை தற்போது சென்சார் அதிகாரிகள் பார்த்துவிட்டு படத்திற்கு UA சான்றிதழ் கொடுத்துள்ளனர். யூடிவி நிறுவனம் தயாரித்துள்ள இந்த படம் வரும் மே 15ஆம் தேதி ரிலீஸாகும் என அதிகாரபூர்வமாக ஏற்கனவே அறிவிக்கப்பட்டுவிட்டது என்பது குறிப்பிடத்தக்கது. இதே தேதியில்தான் சூர்யாவின் 'மாஸ்' திரைப்படமும் வெளியாகிறது என்பது குறிப்பிடத்தக்கது.
அறிமுக இசையமைப்பாளர் வர்ஷன் இசையமைத்துள்ள இந்த படத்திற்கு ஏகாம்பரம் என்பவர் ஒளிப்பதிவு செய்துள்ளார். இவர் ஏற்கனவே விஜய் நடித்த தமிழன், காவலன் ஆகிய படங்களுக்கு ஒளிப்பதிவு செய்தவர் என்பது குறிப்பிடத்தக்கது. வட இந்தியாவில் உள்ள பனிமலை பிரதேசங்களில் பெரும்பாலான படப்பிடிப்பு நடைபெற்ற இந்த படம் ஒரு ஆக்ஷன் அட்வெண்ட்சர்ஸ் படம் என்பது குறிப்பிடத்தக்கது.
இந்த படத்திற்கு UA சர்டிபிகேட் கிடைத்தது குறித்து படக்குழுவினர்கள் அதிருப்தி அடைந்திருந்தாலும், சமீப காலங்களில் UA சர்டிபிகேட் பெற்ற படங்கள்தான் பாக்ஸ் ஆபீஸில் சூப்பர் ஹிட் ஆகியுள்ளது என்பது குறிப்பிடத்தக்கது. இதற்கு உதாரணமாக அஜீத்தின் என்னை அறிந்தால்' கார்த்தியின் கொம்பன், மணிரத்னத்தின் ஓகே கண்மணி, ராகவா லாரன்ஸின் காஞ்சனா 2 ஆகிய படங்களை கூறலாம். UA சான்றிதழ் பெற்றிருந்தாலும் செண்டிமெண்ட்டாக புறம்போக்கு' படமும் மேற்கண்ட வெற்றி படங்களின் பட்டியலில் இடம்பெறும் என படக்குழுவினர் நம்பிக்கை தெரிவித்துள்ளனர்.
0 comments:
Post a Comment