விஷால் நடிப்பில் உருவாகி வரும் 'பாயும் புலி' படத்தின் படப்பிடிப்பு விறுவிறுப்பாக நடைபெற்று வருகிறது. பாண்டியநாடு படத்திற்கு பின்னர் மீண்டும் விஷாலுடன் கைகோர்த்துள்ள இயக்குனர் சுசீந்திரன் தற்போது இந்த படத்தில் இடம்பெறவுள்ள ஒரு ஐட்டம் பாடலின் படப்பிடிப்பில் பிசியாக உள்ளார்.
அகில இந்திய பிரபல பாடகியான பஞ்சாப் மாநிலத்தை சேர்ந்த ஜோதிநூரா பாடிய 'நான் சூடான மோஹினி' என்று தொடங்கும் ஐட்டம் பாடலின் படப்பிடிப்பு சென்னை விமான நிலையம் அருகேயுள்ள பின்னி மில்லில் தற்போது நடைபெற்று வருகிறது. இந்த பாடலில் குத்தாட்டம் போட நடிகை நிகிதா பெங்களூரில் இருந்து வந்துள்ளார் என்பது குறிப்பிடத்தக்கது. இவர் ஏற்கனவே சரோஜா படத்தில் இடம்பெற்ற 'கோடான கோடி' என்று பாடலுக்கு நடனம் ஆடியவர் என்பது குறிப்பிடத்தக்கது.
டி.இமான் இசையமைத்துள்ள இந்த பாடலுக்கு ஷோபி மாஸ்டர் நடனம் அமைத்து வருகிறார் என்பது குறிப்பிடத்தக்கது. விஷால், காஜல் அகர்வால், சதீஷ், சமுத்திரக்கனி உள்பட பலர் நடிக்கும் இந்த திரைப்படம் இவ்வருடம் தீபாவளிக்கு திரையாகும் என எதிர்பார்க்கப்படுகிறது. விஷாலின் பாண்டிய நாடு திரைப்படம் 2013ஆம் ஆண்டு தீபாவளி தினத்தில்தான் ரிலீஸாகி மாபெரும் வெற்றியை பெற்றது என்பது குறிப்பிடத்தக்கது.
0 comments:
Post a Comment