பெரும் பொருட்செலவில் உருவாகியுள்ள ஐ திரைப்படத்தின் ரிலீசை கடந்த 6 மாதங்களாக இதோ அதோ என்று மாறி மாறி அறிவித்துக் கொண்டே இருந்தார்கள். ஒருவழியாக ஐ படத்தின் ரிலீசை நவம்பர் 21ம் தேதி என்று உறுதி செய்து அதற்கான வேலைகள் நடந்துவந்தது. ஆனால் நவம்பர் மாதமும் திரைக்கு வராது என மறைமுக ஷங்கர் ஒரு பேட்டியில் அறிவித்திருந்தார். இதனையடுத்து விக்ரமின் ரசிகர்களும், ஷங்கரின் ரசிகர்களும் செம கடுப்பில் இருந்துவந்தார்கள். ஆனால் தற்போது ஐ படத்தின் ரிலீசை முடிவு செய்துவிட்டார்களாம்.
நம்பத்தகுந்த வட்டாரத்திலிருந்து வந்த தகவலை அடுத்து ஐ படத்தை டிசம்பர் 25ம் தேதி ரிலீஸ் செய்யவிருக்கிறார்கள். இனிமேல் ரிலீஸ் தேதியில் குழப்பம் இருக்காது எனவும் கூறிவருகிறார்களாம். படத்தின் கிராஃபிக்ஸ் வேலைகள்தான் இந்த ரிலீஸ் தாமதத்திற்கு காரணமாக இருந்து வந்தது, தற்போது கிராஃபிக்ஸ் வேலைகள் 90 சதவீதம் முடிந்துவிட்ட நிலையில் படத்தை கிறிஸ்துமஸ் விருந்தாக உலகமெங்கும் ரிலீசாகிறது.
விக்ரம், எமி ஜாக்சன், நடித்திருக்கும் இந்த படத்தில் விக்ரம் 3 விதமான கெட்டப்புகளில் வருகிறார். அனைத்து கெட்டப்புகளும் மக்களை மிரளவைக்கும் என்று ஷங்கர் கூறுகிறார்.
............................................................................................................
எமது தளத்தின் மூலம் சினிமா, அரசியல் மற்றும் இதர செய்திகளை உடனடியாக தெரிந்துகொள்வதற்கு இந்த page ஐ like செய்யுங்கள் நண்பர்களே!!!
0 comments:
Post a Comment